"...မွန်ဘုရင်မကြီးရှင်စောပု ဘ၀ အကြောင်း (စတုတ္ထပိုင်း) ..."
-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-
Posted by drmyochit
သုံးဆယ့်ခုနစ်နှစ်ကြာ၍မြတ်စွာဘုရားပရိနိဗ္ဗာန်ပြုလျှင် သွားတော်ဓာတ်ကို သီရိမာသောကမင်း ရရှိသည်။ဓာတ်တော် ၃၃ ဆူပွား၍ စေတီ ၃၃ ဆူတည်ပြီးလျှင် ဌာပနာသည်။ထိုမင်း နတ်ရွာစံ၍ကာလ ရှည်ကြာသော် စေတီများ ပျက်စီး ယိုယွင်းသည်။ထိုစေတီများကို ရာဇာဓိရာဇ်မင်း လက်ထက်ကလည်း ပြုပြင် ခဲ့သည်။ယခု ရှင်စောပု လက်ထက်တွင် ရှင်စောပုနှင့် သမက်တော်တို့က ပြန်လည် တည် ထားကြောင်းကို စာကြောင်း ၆၃ကြောင်းဖြင့် ရေးထိုး ထားလေသည်။
ထို့ပြင် သထုံခရိုင် တောင်စွန်းကေလာသတောင်ပေါ်၌ သက္ကရာဇ် ၈၄၈ ခုနှစ် တပို့တွဲလဆန်း(၁)ရက် ဗုဒ္ဓွဟူးနေ့၌ ရေးထိုးသောမွန်ကျောက်စာအရ ကျောက်စာ၌ ငွေတောင်ဟုခေါ်သော ကေလာသတောင်ရှိ စေတီတော် ကို ရှင်စောပုနှင့် သားမက်တော်တို့ ပြုပြင်မွမ်းမံကြောင်း၊ ထိုငွေတောင်ရှိ စေတီသည် သီရိမာသောကမင်းရရှိသည့် သွားတော် ဓာတ် အစစ် ကိန်းဝပ်ရာစေတီဖြစ်ကြောင်း၊ ထိုစေတီတော်ကို ဟံသာဝတီ မင်း အဆက်ဆက် တို့ ပြုပြင် မွမ်းမံကြောင်း၊စေတီအနီးတွင် ရှစ်မြှောင့် ပုံသဏ္ဌာန် သိမ်တော်ကြီးတဆောင်ကို လည်းကောင်း၊ ကေလာသ ဘုရားစေတီအတွက် ဝတ္တကလယ်ယာမြေ တို့ကို လည်းကောင်း၊သားနှင့်အမိ မင်းနှစ်ပါးကလှူဒါန်းကြောင်းများ ပါရှိလေသည်။
အထက်ဖော်ပြပါ ကျောက်စာများအရရာမည ဒေသရှိ ပဲခူး(ဗဂိုး)ခရိုင်နှင့် သထုံခရိုင်အတွင်း၌ ဘုရင်မကြီးရှင်ေ စာပုနှင့်သမက်တော်တို့သည် ရှေးဟောင်စေတီတော်များစွာတို့ကိုပြန်လည်တည်ထားမွမ်းမံ ခဲ့ကြောင်း သိ ရှိရလေသည်။
ဘုရင်မကြီး ရှင်စောပု အများဆုံးပြုပြင်မွမ်းမံ၍ ကုသိုလ်ကောင်းမှုအများဆုံးပြုခဲ့သည်ဟု ယူဆရသော စေတီတော်မှာ ဒဂုန် (ရန်ကုန်)မြို့ရှိဒဂုန်ဆံတော်ရှင် ရွှေတိဂုံစေတီတော်ကြီးပေတည်း။
ဘုရင် မကြီးသည် ရွှေတိဂုံဆံတော်ရှင် စေတီတော်မြတ်ကြီးအား အလွန်တရာ ကြည်ညိုလှ၍ထိုစေတီတော်ကြီးတွင် သဒ္ဓွါတရား ထက်သန်လှစွာဖြင့်ကုသိုလ်ကောင်းမှုများ ပြုသည်။ သမက်တော်အားထီးနန်း လွှဲအပ်ပြီးသည့်နောက် တွင် ဒဂုန်မြို့သို့ ရွှေ့ပြောင်းစံမြန်းသည်။
ရွှေတိဂုံဘုရားကြီး၏အရှေ့ဘက်စောင်းတန်း အလယ်ပစ္စယာတွင်သက္ကရာဇ် ၁၂၄၁ခုနှစ် (ခရစ်နှစ် ၁၈၈ဝ) တွင် ကျောက်စာဌာနမှ တူးဖော်တွေ့ရှိသော ပါဠိဘာသာ၊ မွန်ဘာသာ မြန်မာဘာသာတို့ဖြင့် ရေးထိုးထားသည့် ကျောက်စာတိုင် သုံးတိုင်ရှိသည်။
ထိုကျောက်စာများတွင် ဘုရင်မကြီးရှင်စောပုနှင့် သမက်တော် တို့သည် ဒဂုန်ဆံတော်ရှင် စေတီအား မည်ကဲ့သို ဉာဏ်တော်မြှင့်တင်၍ မည်ကဲ့သို့ ပြုပြင် မွမ်းမံခဲ့ ပုံများကို အကျယ်တဝင့် ဖော်ပြထားသည်။ထိုမွန်ကျောက်စာတွင် မွန်ကို(ရ္မန်=ရမန်) ဟုရေးထိုး ခဲ့ပါသည်။မွန်တိုင်းဌာန ရာမညဒေသ၏မင်းအဆက်ဆက် တို့သည် စေတီတော်ကြီးကို အစဉ်အဆက် ပြုပြင် မွမ်း မံ ခဲ့ကြသည်။
ထိုနောက် ရှင်စောပုနှင့် သမက်တော်တို့သည် သမက်တော်မင်းပြုသော ကာလအတွင်းသားနှင့်အမိတို့ စစ်သည် ဗိုလ်ပါအပေါင်းခြံရံလျက် ဘုရားခြေတော်ရင်း၌ ကြွရောက် စံမြန်းပြီးလျှင်ကြီးစွာသော အလှူ ဒါနပြုကြသည်။
စေတီတော်ပတ်လည်ရှိချောက်ကမ်းပါးနှင့် ချိုင့်ဝှမ်းများကို ဂဝံကျောက်တုံးကြီးဖြင့် ဖို့စေသည်။ မြင့်သော ကုန်းမြေ ကို ညီညာစေရန် တူးညှိစေသည်။ အပြင်ဘက်တို့တွင ဂဝံကျောက်တုံးများဖြင့်စီစေသည်။စေတီ ကိုခံသော ပစ္စယာပေါ်တွင် ကျောက်ထီးများပြုလုပ်၍ရွှေချသည်။ ပန်းတင်ခုံပစ္စယာကို ခါးဖွဲ့၍ ကျောက် ဖြင့်ပြီးသော ဆီမီးအိမ်တို့ဖြင့် ပတ်လည် စီထားသည် စသည်ဖြင့် ရွှေတိဂုံကျောက်စာ၌ဆံတော်ရှင်အားအထူးတ လည် မွမ်းမံပုံ များကို ဖော်ပြထားသည်။
ဘုရင်မကြီးသည် ဒဂုန်ဆံတော်ရှင်မြတ်ကို အလွန်တရာကြည်ညိုတော်မူသဖြင့် မိမိ၏ကိုယ်အလေး ချိန်ဖြစ်သော ရွှေ ၂၅ ပိဿာကို မျက်ပါးခတ်ပြီးလျှင် စေတီတော်ကြီးတွင်ရွှေသင်္ကန်းကပ်လှူတော်မူသည်။မြို့သူ၊ မြို့သားတို့ကလည်းရွှေပိဿာချိန် ၅ဝမျှကို ကူ၍ ပူဇော်ကြသည်။ဘုရင်မကြီးသည် ကြေးချိန် ၁၇ဝဝ ပိဿာရှိ ခေါင်းလောင်းကြီးတစ်လုံးကိုလည်းသွန်းလုပ် လှူဒါန်းသည်။ စေတီတော်ကြီးအတွက် နယ်မြေလေးရပ် လှူတော်မူရာ ထိုနယ်မြေလေးရပ်မှာ ဤသို့ဖြစ်သည်။
-စေတီတော်မှ အရှေ့လားသော် ကျိုက်ကနက် ဘုရားအထိ -အနောက်လားသော် ကျိုက်မြောင်းဘုရားအထိ -မြောက်လားသော် ကျိုက်မိုးရပ်အထိ
တောင်လားသော် ကျိုက်နုတ်ဘုရား(အချို့က ကျိုက်သုတ်ဟုလည်းဆိုသည်) အထိဟူ၍ သတ်မှတ်၍ ဘုရားကြီး ၏ဝတ္တကမြေအဖြစ် လှူတော်မူသည်။ထို့ပြင် ဘုရားကြီး ရင်ပြင်တော်အပြည့်ကျောက်ပြားခင်းသည်။ ရင်ပြင်တော်အဆုံးပတ်လည်တွင် မဟာရံတံတိုင်းခုနစ်ထပ် ပြုလုပ်၍တံတိုင်းများအကြားတွင် အုန်းပင်၊ထန်းပင်၊ ပေပင်၊ သရက် ပိန္နဲ၊ကံ့ကော် စသည့် အပင်အမျိုးမျိုးကို စိုက်စေသည်။ တံတိုင်းအောက် ဆင့် စေတီပတ်ဝန်းကျင်တွင် ဇရပ်ကြီးများကို ဆောက်လုပ်စေလေသည်။
No comments:
Post a Comment