သပိတ်သွတ်လွတ်တရား -မိုးကုတ်ဆရာတော်ကြီး http://ift.tt/2xSWEqF

from ဖြိုးမင်းဇော် http://ift.tt/2vPEFCf
via IFTTT

“ ကျေးဇူးတော်ရှင် မဟာဂန္ဓာရုံ ဆရာတော်ဘုရားကြီး၏ သြဝါဒများ ” http://ift.tt/2xTOwq5

from ဖြိုးမင်းဇော် http://ift.tt/2vPEFCf
via IFTTT

သပိတ်သွတ်လွတ်တရား***မိုးကုတ်ဆရာတော်ကြီး

" သပိတ်သွတ်လွတ်တရား "
--------------------------------
သီတင်းကျွတ်ပြီဆိုတော့ လသာသာ မီးထွန်း ပူဇော်ရလို့ ပျော်ကြ ရွှင်ကြတယ်။ မိဘ ဆရာသမားတွေ ကန်တော့ရလို့လည်း ဝမ်းသာရတယ် ဆိုတာတော့ ကောင်းတဲ့ စေတနာတွေ အမှန်ပါပဲ။ ဒါပေမဲ့ တို့ခန္ဓာကြီးကတော့ သီတင်းမကျွတ်ခင် ဝါဆိုဦးကထက် ယခု သီတင်းကျွတ်က သေဖို့ရာ ပိုနီးသွားတယ်။ ဘယ်လိုများ ထင်နေကြသလဲ ဝမ်းနည်းစရာပဲလား ဝမ်းသာစရာပဲလားလို့ မေးရင်ဖြင့် သြော်.. သေခါနီး သွားတာပဲလို့ မှတ်ပါ။
ဒီတော့ မသေရာ ရှာဖို့ရာ အလုပ်သည် ခရီး ရောက်ထားဖို့ အရေးကြီးတယ်။ ဒီဘဝတော့ အတိတ်က ဆုတောင်း အဝိဇ္ဇာ သင်္ခါရတွေကို ကျုပ်တို့ မကျော်လွှားနိုင်ခဲ့လို့ အခုဘဝမ ဝိညာဏ် နာမ်ရုပ် သဠာယတန ဖဿ ဝေဒနာ ဆိုတဲ့ ခန္ဓာငါးပါး ရထားတော့ ဇာတိ ဇရာ မရဏ ကလည်း လားရတော့မှာပဲ။ ဒီအို နာ သေ လားရငြားသော်လည်းတဲ့.. မသေရာ ရှာတဲ့အလုပ်ကို တွေ့ရလို့ ဝမ်းသာကြပါလို့လည်း သတိပေးလိုက် ပါတယ်။
ကဲ.. ဒီနေ့ ဟောတဲ့ တရားက အဂုတ္တိုရ် ပါဠိတော်ကြီးမှာ ဘုရားကိုယ်တိုင် ဟောလို့ သစ္စာသိပြီး သေတဲ့ပုဂ္ဂိုလ်များမှာ ဘာမှပူစရာ မရှိပုံကို ပြန်လည် ဟောကြားခြင်း ဖြစ်တယ်။ အတိတ်ဘဝက သစ္စာလေးပါး မသိတော့ အဝိဇ္ဇာနဲ့ နေခဲ့ကြတယ်။ အကုသိုလ်အလုပ်တွေလည်း လုပ်ခဲ့ကြတယ်ဆိုတော့ သင်္ခါရတွေပေါ့ဗျာ။ ဗုဒ္ဓဘာသာ ဆိုပေမဲ့ သစ္စာကိုမသိတော့ ကုသိုလ်ရိုးရိုး လုပ်တာလား နောက်ဘဝ လူချမ်းသာ နတ်ချမ်းသာ ဖြစ်ချင်လို့ လုပ်တာလားလို့ မေးရင် ဘယ့်နှယ် ဖြေမလဲ.. (လူချမ်းသာနတ်ချမ်းသာ ဖြစ်ချင်လို့ပါဘုရား)
ဒါဖြင့် ကုသိုလ်ကံနဲ့ တဏှာနဲ့ ရောနေတယ်။ ကုသိုလ်လုပ်တာက ကုသိုလ်ရမယ် လူချမ်းသာ နတ်ချမ်းသာ ဖြစ်ချင်တာက တဏှာပေါ့ဗျာ။ ဒီလိုရောတယ် ဆိုကထဲက အဝိဇ္ဇာ ပစ္စယာ သင်္ခါရ ဖြစ်မသွားဘူးလား... ။ အတိတ်က အဝိဇ္ဇာဆိုတာ ကိလေသဝဋ် သင်္ခါရဆိုတာ ကမ္မဝဋ် ဒီ ၂ပါးကို လုပ်ခဲ့တယ်။ မသိတဲ့ အဝိဇ္ဇာက ကိလေသဝဋ် ကုသိုလ်ပြုပြီး လူချမ်းသာ နတ်ချမ်းသာ ဆုတောင်းတာက ကမ္မဝဋ်။ ကိလေသဝဋ် ကမ္မဝဋ်တွေ ပြုပြီး စုတေ မနေ သေလွန်တဲ့အခါ ဝိညာဏ်ဆိုတဲ့ ပဋိသန္ဓေ ဝိညာဏ်ကို ရပါတယ်။
ပဋိသန္ဓေ ဝိညာဏ်ရရင် နာမ်ရုပ် ပေါ်ရမယ်။ နာမ်ရုပ် ပေါ်လို့ရှိရင် မျက်စိ နား နှာ လျှာ ကိုယ် စိတ်မပေါ်ဘူးလား။ ပေါ်လာရင် ဖဿ ဝေဒနာ ပေါင်းလိုက်တော့ ခန္ဓာငါးပါးဟာ ဘာသစ္စာတုံး... (ဒုက္ခသစ္စာပါဘုရား) ဒီဒုက္ခသစ္ဇာကိုတော့ ဝိပါကဝဋ်ထဲ သွင်းလိုက်ပါ။ ခန္ဓာကိုယ်ကြီးသည် ကောင်းကောင်း ရထားတာလား ဝဋ်သင့် နေတာလား။ ခန္ဓာကြီးဟာ ဝိပါကဝဋ်လို့ မှတ်လိုက်စမ်းပါ။
ဒုက္ခကို ပင်လယ် ဝေနေပြီး သားပူ သမီးပူ ဆွေပူ မျိုးပူ မင်းပူ စိုးပူတွေနဲ့ ဝိပါကဝဋ်ကြီးဟာ ဘာသစ္စာပါလိမ့်.. (ဒုက္ခသစ္စာပါဘုရား) သားပူလည်း ဒုက္ခသစ္စာပဲ သမီးပူလာရင်လည်း ဒုက္ခသစ္စာပဲလို့ ဉာဏ်နှလုံးသွင်းပြီးနေ။ ဒီလိုနှလုံးသွင်း လိုက်ရင် ဒါသစ္စာသိတာပဲ။ သစ္စာသိစေချင်လွန်းလို့ တိုက်တွန်းတာကို ဘုန်းကြီးလွန်တယ်လို့ မဆိုနဲ့။ ကိုယ်က ကိစ္စ မပြီးသေးလို့ ဒီလောက် တိုက်တွန်း နေတာလို့မှတ်ပါ။ ဒီဘဝတွင် ကိစ္စပြီးစေချင်လွန်းလို့ သစ္စာသိပြီး ပုဂ္ဂိုလ်ဟာ သုဂတိမှတစ်ပါး ဘယ်မှ မသွားဘူး ဆိုတာ ပေါ်ပြီလား။
ငါသေရင် ဘာများဖြစ်ဦးမလဲဆိုတာ ဘယ်တော့မှ မတွေးနဲ့။ တို့ခန္ဓာပေါ်သ၍ ဒုက္ခသစ္စာပဲဆိုတာ သိတဲ့ ပုဂ္ဂိုလ်သေရင် နတ်ရွာ သုဂတိမှ တစ်ပါး ဘယ်မှ မသွားဘူးဆိုတာ ဧကန် ဆုံးဖြတ်ချက်ချ။ အားပေးစကားလား သစ္စာသိရင် သံသရာမလည်ဘူး ဆိုတာ သေချာတဲ့တရားလား။ (သစ္စာသိရင် သံသရာ မလည်တဲ့တရားပါဘုရား)
အလောင်းကောင် အသုဘကြီးတစ်ခု မလွှဲသာလို့ ဒီကျောင်းပေါ် ထားမယ်ဆိုပါတော့.. ဒီအသုဘကြီးထဲက ဘာတွေထွက်လာမှာလဲ မေးရင် နားထဲကထွက်လည်း သုဘထွက်မလား အသုဘ ထွက်မလား.. ပါးစပ်ထဲက နှာခေါင်းထဲက မျက်စိထဲက ထွက်တာ သုဘထွက်မလား အသုဘထွက်မလား။ (အသုဘပါဘုရား) နဂိုက ဘာမို့လို့ ဘာထွက်တာတုံး.. (အသုဘမို့လို့ အသုဘထွက်ပါတယ်ဘုရား) ဒီတော့ ခန္ဓာကိုယ်ထဲ ဘာသစ္စာတုံး.. (ဒုက္ခသစ္စာပါဘုရား)။
အသုဘကြီးထဲက ကျင်ကြီးထွက်လာ ကျင်ငယ် ထွက်လာ ချွေးထွက်လာ ရောင်ဖောလာ သွေးပြည် တွေထွက်လာ အသုဘတွေ ထွက်လာတာပဲ။ ငြိမ်နေတဲ့စိတ်ကရော ကြံနေတဲ့စိတ်ကရော ဒုက္ခသစ္စာပါပဲ။ ပစ္စုပ္ပန်ဘဝမှာ ပေါ်ချင်ရာပေါ် ဒုက္ခသစ္စာချည်ပဲဆိုတာ မသေချာဘူးလား။ ဒါဖြင့် ဒုက္ခသစ္စာ မသိသေးဘူးလို့ ဆိုကြမှာလား။ ဒီအသိနဲ့ သေရင် အပါယ်မကျဘူး ဆိုတာ လက်ကိုင် ထားရမယ်။ မပျင်းနဲ့.. ဒီအသိရပြီးရင် သေချင်းဆိုး မရှိတော့ဘူး။ သစ္စာသိသူအတွက် ပဋိစ္စသမုပ္ပ့ဒ် မရှိတော့ဘူး။
သစ္စာသိတဲ့ ပုဂ္ဂိုလ်မှာ ဒီခန္ဓာကနေ နောက်ခန္ဓာ မလိုချင် မစွဲလန်းတော့ဘူး။ တစ်ခါတည်း မဂ်ပေါ်သွားတယ်။ ဒုက္ခသစ္စာက အမှန်သိတာ မဂ္ဂသစ္စာက ဖြတ်ချတာ သေသေချာချာ ကိုယ်ပိုင်ဉာဏ်နဲ့ ကိုယ်တိုင်သိရင်ဖြင့် "ငါသေရင် ဆွမ်းမသွတ်နဲ့ဟေ့" လို့ အိမ်မှာ မှာခဲ့။ ဘယ်လိုမှာမတုန်း... (ငါသေရင် ဆွမ်းမသွန်နဲ့ပါ ဘုရား) သစ္စာသိတွှဲသူ သံသရာပြတ်တယ်။ အောက်အပါယ်လေးပါး ငရဲ တိရစ္ဆာန် ပြိတ္တာ အသူရကယ် ရောက်မှ ဆွမ်းသွတ်ရမှာကိုးဗျ။
ခုတော့ သစ္စာသိတဲ့ပုဂ္ဂိုလ်တွေ ဆွမ်းသွတ်စရာ ရှိသေးရဲ့လား... (မရှိပါဘုရား) ကိုယ့်တိုင်လည်း သိအောင်လုပ်ပါ။ ခန္ဓာကိုယ်ထဲ ဘာပေါ်ပေါ် ဘာသစ္စာတုံး... (ဒုက္ခသစ္စာ) သိတာက... (မဂ္ဂသစ္စာ) သေသွားတာက... (သမုဒယသစ္စာ) နောင်ခန္ဓာ မလာတာက... (ဒုက္ခနိယောဓသစ္စာပါဘုရား)။ ဒါဖြင့် ငါသေရင် သပိတ်မသွတ်နဲ့လို့ မှာရဲပြီလား.. (မှာရဲပါပြီဘုရား) မှာဖြစ်အောင်မှာပါ သေမှ အရှက်ကွဲ မခံပါနဲ့။
၁၃၂၄ သီတင်းကျွတ်လပြည့်နေ့ 12.10.1962 တွင် မိုးကုတ်ဆရာတော်ဘုရား ခန္ဓာဝန်မချမီ ၄ရက်အလို ဟောကြားခဲ့သော ငါသေရင် သပိတ်မသွတ်နဲ့ တရားတော်မှ ဓမ္မ သုတ မျှဝေပါ၏။
ဓမ္မ သုတ

“ ကျေးဇူးတော်ရှင် မဟာဂန္ဓာရုံ ဆရာတော်ဘုရားကြီး၏ သြဝါဒများ ”

“ ကျေးဇူးတော်ရှင် မဟာဂန္ဓာရုံ ဆရာတော်ဘုရားကြီး၏ သြဝါဒများ ”
••••••••••••••••••••••••••••••••••••••••••••••••••••••••••••••••••••••••••
“သဗ္ဗညုတဉာဏ်တော်၏ အစွမ်းသုံးပါး”
••••••••••••••••••••••••••••••••••••••••••••
၁။ သိရန်မှန်က, မကျန်ရအောင်, လုံးဝစုံလင်, အကုန်မြင်, သဗ္ဗဉ်ဉာဏ်တော် အစွမ်းတည်း။
၂။ သိသည့်တရား, များအပြား၌, ဟောထားစဖွယ်, နည်းသွယ်သွယ်ကို, ခြယ်လှယ်စုံလင်, အကုန်မြင်, သဗ္ဗဉ်ဉာဏ်တော် အစွမ်းတည်း။
၃။ ကျွတ်ထိုက်ကြပေ, များဝေနေ၏, ဣနြေ္ဒစရိုက်, သူ့အကြိုက်ကို, နှိုက်ချွ
တ်စုံလင်, အကုန်မြင်, သဗ္ဗဉ်ဉာဏ်တော် အစွမ်းတည်း။
ဉာဏ်တော်စွမ်းပကား, ဤသုံးပါးကြောင့်, အများဝေနေ, ကျွတ်လွတ်စေဖို့, မနေမနား, သက်တော်အားဖြင့်, ကြီးမားလေဘိ, ရှစ်ဆယ်ပြည့်၍, ပရိနိဗ္ဗာန်, စံသည့်တိုင်အောင်, သယ်ယူဆောင်, ဘုန်းခေါင် ငါတို့ ဘုရားတည်း။
-----------------------------------------
“ဘုရားရှင် ပွင့်တော်မူရခြင်း၏ ရလာဘ်”
••••••••••••••••••••••••••••••••••••••••••••
ဘုရားရှင်တော်, မပွင့်ပေါ်လျှင်, လူတော်အများ, စိတ်ကောင်းထားလည်း, ဤကားကုသိုလ်, အကိုသိုလ်နှင့်, ထိုထိုဘုံဘဝ, မသိရ, များလှ အပြစ်တွေ။
ဘုရားရှင်တော်, ပွင့်ထွန်းပေါ်၍, ဟောဖော်ညွှန်ကြား, မြတ်တရားကြောင့်, ဤကားကုသိုလ်, အကုသိုလ်နှင့်, ထိုထိုဘုံဘဝ, သိကြရ, များလှ ကျေးဇူးတွေ။ ကျေးဇူးတော်ရင်, ဘုရားရှင်ကို, နေ့စဉ်မပြတ်, ကျေးဇူးဆပ်ဖို့, အမြတ်ရတနာ, သာသနာ၏, နှစ်ဖြာဝန်ထမ်း, လွန်ကြိုးပမ်း, လူစွမ်း ပြကြစေ။
-----------------------------------------
“သံဝေဂဝတ္ထု ရှစ်ပါး”
•••••••••••••••••••••••
အမိဝမ်းခေါင်း, ဆယ်လညောင်းမျှ, အောင်းခဲ့ရချေ, တည်သန္ဓေနှင့်, လူ့ပြေလူ့ရွာ, ရောက်ပြန်ပါလည်း, အို နာ သေရေး, ဒုက္ခဘေးကြောင့်, စိတ်အေးကိုယ်ခိုင်, မနေနိုင်ခဲ့, ဆိုင်ဆိုင်ဒုက္ခ, ခံပြီးမှလည်း, များလှပါယ်ရွာ, ရောက်ကြရှာ၏။ အတီတာရှေး, ဤဝဋ်ဘေးနှင့်, နောင်ရေး နာဂါတ်, ဒုက္ခထပ်လိမ့်, မပြတ်ခုခါ, ဖြစ်တုံးမှာလည်း, အစာရှာရ, ထိုဒုက္ခကြောင့်, နေ့ညမဟူ, ကိုယ်စိတ်ပူ၍, သူသူငါငါ, မသက်သာသည်, ရှစ်ဖြာသံဝေ ရကြောင်းတည်း။
-----------------------------------------
ငရဲရှိတယ်, တိစ္ဆာန်ရှိတယ်, ပြိတ္တာရှိတယ်, လူနုံ လူမွဲ လူဆင်းရဲ ရှိတယ်, သေရဦးမယ် သတိထား။
-----------------------------------------
“မီး ၁၁-ပါး”
•••••••••••••
သူသူငါငါ, ဖြစ်လေရာဝယ်, ဦးစွာကြိုဆီး, ဇာတိမီးက, အပြီးပုံသေ, လောင်မြိုက်လေ၏။ မသွေတစ်သီး, ဇရာမီးလည်း, အပြီးနောက်မှာ, ကပ်လျက်ပါ၏။ မကွာစေရ, မရဏဟု, တစ်ဘဝဖျက်ဆီး, လောင်သည့်မီးလည်း, ငြီးငြီးပြောင်ပြောင်, အမြဲလောင်၏။ လောင်ပုံလောင်အား, မထင်ရှားပဲ, နုထွားပြိုမြစ်, အရွယ်ဖြစ်သော်, အချစ်ရာဂ, မီးတွေထ၍, ဒေါသထန်ပြင်း, မောဟညှဉ်း၏။ မကင်းနိုင်အောင်, ထို့နောက်နောင်လည်း, တောက်လောင်ဖိစီး, သောကမီးကြောင့်, ဝမ်းနည်းဖွယ်တွေ, အထွေထွေနှင့်, ပရိဒေဝ, ငိုကြွေးကြဖို့, ဒုက္ခလည်းထပ်, ဒေါမနသ်နှင့်, ဆက်စပ်မကွာ, ဥပါယာသ, လွန်ပြင်းပြ၍, သက်မျှမရှူ, တက်အောင်ပူသည်, ဆူဆူဆယ့်တစ် မီးတောက်တည်း။
-----------------------------------------
“အနိစ္စ, ဒုက္ခ, အနတ္တ, လက္ခဏာရေး ၃-ပါး”
••••••••••••••••••••••••••••••••••••••••••••••••
အိုအိုလူများ, သတိထားလော့, သွားဆဲကာလ, ခါသမယဝယ်, ပထမခြေလှမ်း, ရုပ်နာမ်တန်းတို့, လှမ်း ဒုတိယ, မရောက်ကြဘူး၊ ဒုတိယလှမ်း, ရုပ်နာမ်တန်းလည်း, လှမ်း တတိယ, မရောက်ကြပင်၊ တစ်လှမ်းတွင်လည်း, မြှောက်စဉ်တစ်မျိုး, ရှေ့တိုးတစ်ဖုံ, လွန်ပုံတစ်ဝ, အောက်ချတစ်ခင်း, ထိခြင်းတလွေ့, ဖိနင်းစေ့အောင်, တရွေ့ရွေ့မြန်း, အခန်းခန်း၌, ခြေလှမ်းပိုင်းခြား, စိတ်ခြောက်ပါးဝယ်, သွယ်သွယ်နာမ်တန်း, ရုပ်အတန်းတို့, နှမ်းအိုးခင်းထက်, နှမ်းတွေကျက်သို့, ဖြစ်ပျက်နေရ, အနိစ္စသည်, ဒုက္ခ-အနတ္တချည်းသာတည်း။
-------------------------------------------
“မချစ်သော်လည်း မမုန်းပါနဲ့”
•••••••••••••••••••••••••••••••
ကိုယ့်ကို ပတ်ဝန်းက မချစ်ပေမယ့် မမုန်းကြမှ ကောင်းတယ်။
ကောင်းကောင်းနေ သော်လည်း အသက်မတိုပါ။
ဖြစ်သလိုနေ သော်လည်း အသက်မပိုပါ။
လောကမှာ ဘယ်လောက်ပဲ ကြီးကျယ်ခန်းနားနေပါစေ သေခါနီးကျမှ မျက်ရည်လည်ရလျှင် မတော်ပေဘူး။
-----------------------------------------------
“သံဝေဂကဗျာ”
•••••••••••••••••
ငါတို့နေရာ ဤကမ္ဘာတဏှာအုပ်စိုးသည်။
တဏှာစေရာ မနေသာ ဖွေရှာဆက်ရသည်။
ရသည့်ဥစ္စာ ချစ်သူပါ စွန့်ခွာသွားရမည်။
တကယ့်အရေး တကယ့်ဘေး ဘယ်သွေး ဘယ်သား မကယ်ပြီ။
ငါနှင့် ရွယ်တူ ငါ့အောက်လူ ကြီးသူသေကြ များလှပြီ။
ခဏမစဲ အိုစမြဲ ကိုယ်လဲ သေဖက်နီးခဲ့ပြီ။
ဇရာမီးတောင် ကိုယ်တည်းလောင် သေအောင်မြိုက်တော့သည်။
မသေရခင် သွားလမ်းစဉ် ကြိုတင် ပြင်သင့်ပြီ။
ဒါန သီလာ ဘာဝနာ လမ်းသာထွင်လိမ့်မည်။
မဂ္ဂင်ယာဉ်ကြီး အမြန်စီး ခရီးထွက်တော့မည်။
------------------------------------------------
“ပွဲလမ်းသဘင်နှင့်ကစားပွဲ”
••••••••••••••••••••••••••••••
တန်ခိုးကြီးဘုရားဟု ထင်ရှားသော ဘုရားပွဲတိုင်းလိုပင် ဇာတ်ပွဲသဘင်များနှင့် အလောင်းအစား ကစားပွဲများ တွဲဖက်ပါဝင်နေသည်မှာ ဗုဒ္ဓအလိုတော်နှင့် လုံးဝ ဆန့်ကျင်နေသော စနစ်သာတည်း။
အကယ်၍ ဗုဒ္ဓရှင်တော် သက်တော်ထင်ရှား ရှိနေပါမူ ဇေတ၀န် ကျောင်းတော်အတွင်း၌ ဤကဲ့သို့ ပွဲကျင်းပကာ ဗုဒ္ဓရှေ့တော်ဝယ် မင်းသား မင်းသမီး ဆိုသူတွေ သီဆိုကြ, လူပြက်တွေ ပြက်လုံးထုတ် ကြနှင့် ပူဇော်ခွင့် ရကြပါမည်လော၊ ဘုရားပွဲဟူသည်မှာ ဘုရားကို ရည်မှန်း၍ လှူဒါန်းပူဇော်ရမည့်ပွဲတည်း၊ သို့ပါလျက် ဘုရားကို သတိ မရကြဘဲ ဘုရားကို အနားထား၍ ပျော်ရွှင်ကြခြင်း, ပွဲကြည့်ရာမှ ကစားဝိုင်းမှ ရန်ပွဲဖြစ်ကြသဖြင့် သေကျေကြ, ရုံရောက်၍ ငွေကုန် လူပန်း ဖြစ်ကြခြင်းကား ရိုင်းစိုင်းသော လူမျိုးဖြစ်ကြောင်းကို ၀န်ခံရာ ကျလှ၏။
အိန္ဒိယ ဟိန္ဒူလူမျိုးတို့၏ ၀တ်တက်ပွဲ ဘုရားပွဲများ၌ မဟတ္တမ ဂန္ဒီကြီးက ငြိမ်းချမ်းသာယာမှု တရားရေအေး တိုက်ကျွေးကြောင်းကို (သတင်းစာ၌) ဖတ်လိုက်ရသောအခါ ဘုန်းကြီးတို့ ဘုရားပွဲတွေကို ကြည့်၍ ၀မ်းနည်းမိပါတော့သည်၊ ထို့ကြောင့် အနာဂတ်ကာလ၌ ဘုရားပွဲကို အစိုးရနှင့်တကွ ရဟန်းတော် အရှင်မြတ်တို့ ပြုပြင်ပေးရန် လေးနက်စွာ တောင်းပန်ပါသည်။
မဟာဂန္ဓာရုံ ဆရာတော်
အရှေ့ဖက်သို့ ကိုင်းညွတ်လျက်ရှိသော သစ်ပင်သည် လဲသည့်အခါ အရှေ့ဖက်သို့သာ လဲဖွယ်ရာ ရှိသကဲ့သို့ နိဗ္ဗာန်သို့ ကိုင်းညွတ်နေသော စိတ်အစဉ်သည် ကုသိုလ်ကောင်းမှု ပြု သမျှ၌ နိဗ္ဗာန်ဖက်သို့သာ ညွတ်လျက်ရှိနေသည်ဖြစ်၍ ထိုသူတော်စင်သည် အဘယ်မှာ အပါယ်လေးပါးသို့ သွားဖွယ်ရာ ရှိပါတော့အံ့နည်း။
-------------------------------------------
“အကောင်းဆုံးလူ”
••••••••••••••••••••••
သတ္တဝါ တစ်ယောက်မှာ -
၁။ ကိုယ်ကျိုးသက်သက်သာ ကြည့်သူ။
၂။ သူတစ်ပါးအကျိုး သက်သက်သာ ကြည့်သူ။
၃။ သူကျိုး ကိုယ်ကျိုး မကြည့်သူ။
၎။ သူကျိုး ကိုယ်ကျိုး နှစ်ပါးစုံ ကြည့်သူ။
လို့  ရှိတဲ့ အနက်က နှစ်ပါးစုံ ကြည့်သူဟာ အကောင်းဆုံးပါပဲ။
----------------------------------------------
သာသနာတော်ဟာ အမြဲတမ်း တည်တံ့ခိုင်မြဲနေမှာ မဟုတ်ဘူး။ နော်ကဆုံးကာလ ကွယ်ပျောက်မှာ မလွယ်ဘူး။ သာသနာတော်ကြီး မကွယ်ပျောက်ခင် မိမိတို့ တဖက်တလမ်းကနေ စောင့်ထိန်းရမယ်။ သာသနာတော်ကြီးဟာ ပြောင်းလဲနေတယ်။ မတည်မြဲဘူး။ တကယ့်ရဟန္တာများ လက်ထက်ကတောင် ပြောင်းလဲနေသေးတယ်။ ခုခေတ်ပုဂ္ဂိုလ်များလက်ထက်မှာ ပြောစရာမလိုတော့ဘူး။
မြတ်စွာဘုရား ပရိနိဗ္ဗာန် စံဝင်သွားပေမယ့် ဟောကြားဆုံးမတော်မူတဲ့ တရားဒေသနာတွေ များစွာကျန်ခဲ့တယ်။ အဲဒီတရားတော်တွေအတိုင်း ပြောဆိုနေထိုင်သွားရင် နိဗ္ဗာန်နဲ့ မဝေးဘူး။ နီးဖို့ရန်သာ အကြောင်းရှိပါတယ်။ ဗုဒ္ဓတရားတော်တွေကို သိနေတဲ့သူဟာ သေရမှာကို မကြောက်ပါနဲ့။ သေရမှာကြောက်သူဟာ တရားတော်ကို အထင်သေးရာရောက်နေပါတယ်။ ဒါကြောင့် မတည်မြဲနိုင်တဲ့ သာသနာတော်ကြီးမှာ ကိုယ့်ကိုယ်ကို ကောင်းကောင်းထားလိုက်ရမယ်။
----------------------------------------
“အောင်မြင်မှုဆိုတာ မဝေးပါ”
•••••••••••••••••••••••••••••••
အလုပ်ကိစ္စတစ်ခုကို အချိန်ပြည့် လုပ်နေသူအဖို့ ကြောင့်ကြပူပန်မှုဆိုတာ မရှိပါ။ ပေးလာတဲ့ အခွင့်အရေး၊ ရလာတဲ့အခွင့်အရေး၊ ရလာတဲ့ အချိန်ကို တန်ဘိုးထား၍ ကြိုးစားလုပ်ဆောင်နေသူအတွက် အောင်မြင်မှုဆိုတာမဝေးပါ။
-----------------------------------------
ကျောက်ဆစ်ဆရာ အဖြတ်မခံရတဲ့ ကျောက်တုံးဟာ အရုပ်အဖြစ်သို့ မရောက်နိုင်သလို ဆရာကောင်းအဆုံးအမ မခံရတဲ့တပည့်တွေဟာ သူတော်ကောင်းမဖြစ်နိုင်ဘူ။
------------------------------------------
“တန်ဖိုးအရှိဆုံး”
•••••••••••••••••
သာသနာပြုလုပ်ငန်းဆိုတာ ယခုဘဝပင်ပန်းပေမယ့် သံသရာမှာ တန်ဖိုးအရှိဆုံးပဲ။ ပရဟိတစိတ် အများအကျိုးပြုတဲ့စိတ် မဟုတ်လား။ သာသနာထဲ ဝင်လာသူတိုင်း ပရဟိတစိတ် ထားကြမယ်ဆိုရင် နိုင်ငံနဲ့ သာသနာဟာ ကမ္ဘာမှာ ဟည်းသွားနိုင်တယ်။
--------------------------------------------
“ဆရာတော့် အဓိဋ္ဌာန်”
•••••••••••••••••••••••••
ဗုဒ္ဓမြတ်စွာ လောင်းလျာတုန်းက, နောက်ဆုံးအထိ ပါရမီ။
လူနတ်များစွာ ချမ်းသာရေးမို့, အသက်ပေးလို့ ဖြည့်ခဲ့သည်။
ဗုဒ္ဓမြတ်စွာ ဘာသာအတွက်မို့, ငါပါအသက် ဆုံးစေမည်။
နောက်မဆုတ်ပေါင် ခုလိုတွေးလို့, ကုသိုလ်ရေးမို့ ကြိုးစားမည်။
( ဒို့လဲ ကြိုးစားမည် )
-【မဟာဂန္ဓာရုံဆရာတော်ဘုရားကြီး】
-【စာရိုက်ပူဇော်သူ - Admin Team of
Young Buddhist Association】
Posted by►
www.facebook.com/youngbuddhistassociation.mm
အပ္ပမာဒေန သမ္ပာဒေထ။ ။

မန်းလေးပဲပြုတ် -လူထုဒေါ်အမာ http://ift.tt/2xxqBfG

from ဖြိုးမင်းဇော် http://ift.tt/2vPEFCf
via IFTTT

မန္တလေး ပဲပြုတ် ***လူထုဒေါ်အမာ

မန္တလေးပဲပြုတ်
ရေးသူ- လူထုဒေါ်အမာ

ဝါခေါင်လဆိုတာ မန္တလေးမှာ မြို့တကာ နယ်တကာက လာတဲ့ ဧည့်သည်အများဆုံးလ တလပါပဲ။ ဒီလမှာ တောင်ပြုန်းနတ်ပွဲ၊ ရတနာဂူနတ်ပွဲတွေက ရှိသကိုး။ အဲဒီတော့ နတ်ပွဲလာချင်သူက မန္တလေးကို စတည်းချရတယ်။ ဒါကြောင့် တည်းခိုခန်းတွေ ဘယ်လိုပဲ ပေါပေါ အိမ်တွေမှာလည်း ဧည့်တွေက ရှိတာပဲ။ အဝေးကဧည့်သည်ကို မန္တလေးအိမ်ရှင်က နံနက်အစောစာအဖြစ် ပဲပလာတာ၊ ပဲပြုတ်နဲ့ နံပြား၊ ပဲပြုတ်နဲ့ ပေါင်မုန့်၊ ပဲပြုတ်နဲ့ ထမင်းဆီဆမ်း၊ ငါးခြောက်ဖုတ် စတာတွေနဲ့ ကျွေးမွေးလေ့ ရှိပါတယ်။ ဧည့်သည်က ပဲပြုတ်စားရရင် မန္တလေးပဲပြုတ် ကောင်းတဲ့အကြောင်း ပြောကြပါပြီ။ သူတို့ဆီမှာလည်း ပဲပြုတ်ရှိတော့ရှိတာပါပဲ၊ ဒါပေမယ့် မန္တလေးပဲပြုတ်ကိုတော့ မမီဘူးတဲ့။

ဧည့်သည်က အဲဒီလိုပြောရင် အိမ်ရှင်ကလည်း ကျေနပ်လို့။ မန္တလေးက ပဲပြုတ်ကြိုက်တယ်မဟုတ်လား။ မနက် မလင်းတလင်း ဝေလီဝေလင်းမှာ "ပဲ" ဆိုတဲ့အသံ ကြားလိုက်ရင် တအိမ်က မဟုတ်ရင် တအိမ်က ခေါ်ဝယ်တာပဲ။ အများအားဖြင့် ပဲသည်ကို ဖောက်သည်လုပ်ထားကြတာ။ ကိုယ့်ဖောက်သည်ကို မမီလိုက်တော့မှ တခြားအသည်ကို ပျံကျ ၀ယ်စားတာ။

ပဲပြုတ်ဟာ မနက် (၈) နာရီလောက်မှ ၀ယ်ချင်လို့ မရတော့ဘူး။ အဲဒီအချိန်မှာ ပဲသည်တွေအားလုံး ရောင်းလို့ ကုန်ကြပြီ။ သိပ်စားချင်ရင် ညနေ (၂) နာရီ (၃) နာရီမှာမှ တပတ်လာရောင်းတဲ့ ပဲသည်ကို ၀ယ်စားပေတော့။ ဒါပေမယ့် ညနေရောင်းတဲ့ ပဲပြုတ်က စားတော်ပဲပြုတ် မပါဘူး။ စွန်တာနီပဲ၊ သိပ္ပံပဲတွေကို ပြုတ်ရောင်းတာ။

မန္တလေးရောက်အဝေးဧည့်သည်က မန္တလေးပဲပြုတ် ကောင်းတဲ့အကြောင်း ပြောလာရင် ဟုတ်ပါတယ်လို့ ထောက်ခံချင်ပါရဲ့။ ကျွန်မလည်း တခြားအရပ်က ပဲပြုတ်ကို စားဖူးတာပဲ။ မန္တလေးပဲပြုတ်နဲ့တော့ အရောင် အသွေးချင်းကစပြီး ကွာတယ်။ တခြားပဲပြုတ်တွေက ညစ်ပုပ်ပုပ်နဲ့။ မန္တလေးပဲပြုတ်ကလေးကတော့ ၀ါလို့ ၀င်းလို့။ ဒီလို အရောင်အသွေးကွာရတာက ပဲကိုရွေးပြီးမှ မပြုတ်လို့ပါ။ စားတော်ပဲမှာ ပဲဆေးလုံးလို့ ခေါ်တဲ့ စားတော်ပဲလုံး အနက်ကလေးတွေလည်း ရောလျက် ပါပါတယ်။ အဲဒါကို မန္တလေးပဲသည်က ပဲကို ရေစိမ်တော့မယ်ဆိုတော့ ရွေးယူထားလိုက်တာပါ။ သူနဲ့အတူ ရောလည်း မစိမ်ဘူး။ ရောလည်း မပြုတ်ဘူး။ ရောပြုတ်တော့ ပဲဆေးလုံးရဲ့ အနက်ရောင်ကကျွတ်ပြီး စားတော်ပဲကို လူးတော့ ပဲပြုတ်အရောင်ဟာ ၀င်းမနေမတော့ဘဲ ညစ်ပုပ်ပုပ် ဖြစ်သွားတာပေါ့။

မန္တလေးက ပဲပြုတ်သည်က ပဲကို ပွဲရုံက ၀ယ်လာပြီးတော့ ပထမ ဗန်းထဲမှာ သေသေချာချာ ရွေးပါတယ်။ သူတို့က ပဲဆေးလုံးခေါ်တဲ့ ပဲနက်ကလေးတွေကို တစေ့မကျန် ရွေးပြီး ဘူးတဘူးနဲ့ တခြားထားတယ်။ ပြီးတော့ ပိုးကိုက်ထားတဲ့ ပဲစေ့၊ မအောင်မြင်တဲ့ ပဲစေ့ကလေးတွေကို တခြားရွေးတယ်။ ရွေးတဲ့အခါ တကယ်စင်အောင် ရွေးတာပါ။ ပဲပိုးကိုက်တို့၊ ပဲစုန်းပြူးဖြစ်မယ့် မအောင်တဲ့ ပဲစေ့ကလေးတွေကို ရွေးပြီးတော့ စုထားပြီး ခိုစာကျွေးမယ့်လူကို ရောင်းစားပါတယ်။ ပဲဆေးလုံးကိုတော့ စုထားပြီး သီးခြားပြုတ်ပြီး နေ့လည်တခေါက် ပဲပြုတ်ရောင်းထွက်တဲ့အခါ စွန်တာနီပဲပြုတ်ရောင်းရင်း ပဲဆေးလုံးပြုတ်လို့ သီးခြား ပြုတ်ရောင်းပါတယ်။ ပဲဆေးလုံးပြုတ်ဟာ စားတော်ပဲပါဘဲ။ နက်နေလို့သာကိုး၊ အဲဒီတော့ သူ့ကို သန့်ပြီး ပြုတ်ရောင်းတဲ့အခါ အရောင်နက်တာကလွဲလို့ သူလည်း ချိုတာပဲ၊ နူးညံ့တာပဲ။

နောက်ပြီး ပဲရဲ့သဘောက ရေစိမ်တဲ့အခါ ပွရုံမစိမ်ဘဲ အညှောင့်ပေါက်အောင် ပေါက်တဲ့အညှောင့်လေး ရှည်လာတဲ့အထိ ထားပြီးမှ ပြုတ်ရင် ပိုချိုပါတယ်။ ပဲအညှောက် မပေါက်ခင် ပြုတ်ရင် အချိုနည်းပါတယ်။

မန္တလေးမှာ အရင်ကတော့ စားတော်ပဲထဲမှာ အချိုဆုံး အမျိုးဖြစ်တဲ့ ရွှေဘိုစားတော်ပဲကို ပဲပြုတ်သည်တွေ က ရွေးဝယ်ပြီး ပြုတ်ကြတယ်။ တခြား အရပ်က ပဲကို မန္တလေးပဲပြုတ်သည်က မကြိုက်ဘူး။

စားတော်ပဲက ရွှေဘိုနယ်က ထွက်တာကို ရွှေဘိုစားတော် ခေါ်တယ်။ အနက်ပြောက်ကလေး သေးသေးကလေးတပြောက် အညှောင့်ပေါက်မယ့် အနားမှာ ပါတယ်။ အလုံးသေးတယ်။ ကနေ့ပေါက်ဈေး သုံးတင်းကို ၄၈၀ိ/- လောက် ရှိတယ်။ သူက ဈေးအရဆုံးပဲ။ ကျွန်းစားတော်လို့ခေါ်တဲ့ စားတော်ပဲက အလုံးမှာ ရွှေဘိုပဲထက် ကြီးတယ်။ ထီးချိုင့်တို့၊ ကောလင်းတို့ ဘက်က ထွက်တာ ဖြစ်ပါတယ်။ သူက ၄၅၀ိ/- ၄၆၀ိ/- ဈေး ရှိပါတယ်။

စားတော်ပဲမှာ အလုံးအကြီးဆုံးကတော့ မထုစားတော်လို့ ခေါ်တဲ့ ချင်းတွင်း အလယ်ပိုင်းက ထွက်တဲ့ စားတော်ပဲပါဘဲ။ ကလေးဝ၊ ကလေးမြို့၊ မစိန်မထု အဲဒီဘက်က ထွက်တာပါ။ သူက အလုံးကြီးပြီး ချိုရာမှာ ရွှေဘိုပဲကို မမီပါဘူး။ သူပေါက်တဲ့ဈေးက ၄၂၅ိ/- ၄၃၀/ိ- ရှိပါတယ်။

အဲဒီလို ရှိရာမှာ အရင်ကတော့ မန္တလေးပဲပြုတ်သည်က ရွှေဘိုစားတော်ကို ရအောင် ၀ယ်တယ်။ အညှောက်ပေါက်အောင်၊ အညှောက်ရှည်အောင်ထားတယ်။ ပြီးမှ ပြုတ်ပါတယ်။

ပဲပြုတ်တဲ့ နေရာမှာလည်း အိုးနဲ့ ပဲနဲ့ အလောတော် ထည့်ပြုတ်မှ။ အိုးချောင်နေရင် အခွံ ကျွတ်တယ်။ ရေကို လိုသလို လိုက်ပေးရတယ်။ ပြီးတော့ မီးကို တအားမထိုးဘဲ ပထမ ထင်းမီးနဲ့ ပြုတ်၊ နောက်မှ လွှစာမီးနဲ့ နှပ်ထားမှ အိအိစက်စက်နဲ့ အလုံးမပျက်ရှိပြီး နပ်တာပါ။

ဒုကမ္ဘာစစ်မဖြစ်ခင်က မန္တလေးမှာ ပဲပြုတ်ကောင်းတယ်လို့ နာမည်ကြီးတဲ့ ပဲသည်နှစ်ဦး ရှိပါတယ်။ တယောက်က ဒေါ်ဖွားချစ်တဲ့။ တယောက်က ဒေါ်စီတဲ့။ သူတို့ ပဲဆိုရင် စိတ်ချလက်ချ စားရော့။ ပဲပြုတ်ကို လူတိုင်းမရောင်းဘူး။ ရသာကြီးရွာက မန္တလေးလာပြီး အလုပ်လုပ်တဲ့ လူတွေရဲ့ ဇနီးတွေက ရောင်းတာ။ သူတို့က တရွာတည်းသားချင်း စုဝေးနေကြတယ်။ ရသာတန်းတို့၊ ပဲဝင်းတို့ဟာ သူတို့ အရပ်ပဲ။

ဒေါ်စီတို့၊ ဒေါ်ဖွားချစ်တို့က ပဲအပြုတ်ကောင်းတော့ တချို့ ပဲရောင်းချင်တဲ့ မိန်းကလေးတွေက သူတို့ဖို့ ပိုပြုတ်ပေးပါ။ ရောင်းပါရစေဆိုလို့ နောင်သူတို့ အသက်ကြီးလာတော့ ပဲဒိုင်ခံပြုတ်ပေးပြီး သူတို့ကိုယ်တိုင် ထွက်မရောင်းဘဲ နေတယ်လေ။ သူတို့ နှစ်ယောက်ပြုတ်တဲ့ ပဲကတော့ မနပ်တဲ့အစေ့ မပါဘူး။ မချိုမှာလည်း မပူနဲ့။

ကျွန်မတို့ ငယ်ငယ်တုန်းက ပဲပြုတ်က ၂၅ ကျပ်သားမှ သုံးပြား ပေးရတာ။ အလုပ်သမားအိမ်က မနက်လင်းတော့ ပဲပြုတ် (၃) ပြားဖိုး ၀ယ်ပြီး ညက ကျန်အောင်ချက်ထားတဲ့ ထမင်းကြမ်းကို ပဲပြုတ် ဆီဆမ်းနဲ့ တအိမ်လုံးစား၊ လက်ဘက်ရည်ကြမ်း တအိုးသောက်ပြီး အဖေက အလုပ်ဆင်းတာ။ ပဲပြုတ်ဟာ ဆင်းရဲသားစာပဲ။

ခုတော့ ပဲပြုတ်က အစိတ်သားကို ၅ိ/- တဲ့။ ထမင်းကလည်း ကျန်အောင်ချက်ဖို့ထား၊ ၀အောင်မှ အနိုင်နိုင်။ ဆီဈေးကလည်း တဆယ်သား ၇ ကျပ် ၅၀ ပြားတဲ့။ ပြီးတော့ ပဲပြုတ်ကလေ ကျွန်မတို့ ငယ်တုန်းက စားခဲ့ရတဲ့ ပဲပြုတ်နဲ့ သိပ်ကွာတာပဲ။ မန္တလေးပဲပြုတ်သည်က အရင်လို ရွှေဘိုစားတော်ကိုလည်း ရအောင်မ၀ယ်တော့ဘူး။ မထုက ဈေးပေါတော့ မထုစားတော်ပဲ ၀ယ်တယ်။ ၀ယ်ရာမှာလည်း တပြည်ချင်း နှစ်ပြည်ချင်း ၀ယ်ရတာ။ ပဲဈေးက ကြီးတာကိုး။ အဲဒီတော့ တနေ့စာပဲ ၀ယ်နိုင်တော့တယ်။ အရင်းမရှိလို့။ ပဲကို အညှောက်ပေါက်အောင် ထားဖို့က (၃) ရက် ကြာမှ အညှောင့်ရှည်တာမို့ အနည်းဆုံး (၃) ရက်စာ ပဲဖိုး ရှိဖို့ လိုပါတယ်။

ခုတော့ ပဲသည်ခမျာမယ် ပဲဝင်းမီးလောင်တော့ မီးဘေးဒုက္ခသည် ဖြစ်ပြီး လေယာဉ်ကွင်းကြီး အရှေ့ဘက်က ပဲဖြူကုန်း ရောက်သွားရော၊ ပဲဖြူကုန်းကနေပြီး မန္တလေးဖောက်သည်တွေဆီကို လာရောင်းဖို့က ကားခလိုလာတယ်။ ဒါမှမဟုတ် လင်ယောက်ျားက စက်ဘီးကလေး ဘာလေး စီးနိုင်အောင် ချောင်လည်ရင် ပဲတောင်းရော၊ သူရော စက်ဘီးရှေ့က ဘားတန်းပေါ်က ထိုင်လိုက်ခဲ့ပြီး မန္တလေး လာရောင်းရတယ်။

ရောင်းပြန်တော့လည်း သူ့ပဲပြုတ်က အညှောက်မပေါက်ရုံမက ပဲတွေက ပိုးသတ်ဆေး ဖြန်းထားတဲ့ပဲမို့ ပိုးသတ်ဆေးစော် နံရဲ့လား နံရဲ့။ ထင်းသိပ်မကုန်ဘဲနဲ့ မြန်မြန်နူးအောင် ဆော်ဒါထည့်ပြုရတော့ ဆော်ဒါစော်နံလား နံရဲ့။ တချို့ကတော့လည်း ဆော်ဒါတောင် ၀ယ်မထည့်နိုင်ရှာဘူး။ သဲဆပ်ပြာကို ရေဖျော်ပြီး သဲဆပ်ပြာက ရတဲ့ ဆော်ဒါရည်ကို ထည့်ပြုတ်ရတာပါ။

အဲဒီတော့ ပဲပြုတ်က မကောင်းတော့ဘူး။ ဒါသာဖြစ်တယ် တဆယ်သား ၂ိ/- ရောင်းတာ။ ပဲ ၁၀ ကျပ်သားဆိုတာလည်း ဘာမှ များတာမှ မဟုတ်ပဲ။ အရင်က အဆစ်ပေးသလောက် ရှိတာ။

ကျွန်မတို့ ငယ်ငယ်တုန်းကများ ပဲသည်ကို အိမ်ကခေါ်ဝယ်လို့ ပဲသည် အိမ်ဝမှာ ပဲတောင်းချပြီဆိုရင် အိမ်ရှိတဲ့ ကလေးတွေက အားလုံးထွက်လာပြီး ပဲသည်နားမှာ ၀ိုင်းအုံကြတာပဲ။ အဲဒီတော့ ပဲသည်က အင့်ရော့နဲ့ ကလေးလက်နဲ့ တဆုပ်စီ သူ့ပဲပြုတ် ထည့်ပေးတာပဲ။ ကလေးလက်ဆောင်။ ဒါကိုက ၁၀ ကျပ်သားမကပါဘူး။ ပဲပြုတ်ကလည်း ချိုသကိုး၊ နုညံ့သကိုး။ ပဲပြုတ်မကြိုက်တဲ့ ကလေးတယောက်မှ မရှိဘူး။ ဒါကြောင့် လက်ထဲက ဟာကုန်တော့ ထပ်တောင်းချင်တာ။ အဲဒီမှာ ပန်းကန်ကိုင်ပြီး ပဲဝယ်ထွက်လာတဲ့ အမေတို့၊ အစ်မတို့က မြင်တွေ့သွားပြီမို့ ဟဲ့ တော်ကြတော့ဆိုပြီး ပဲသည်နားက ဆွဲခေါ်သွားတာ ခံခဲ့ရတာပါ။

ကျွန်မတို့ နိုင်ငံက မြေသြဇာကလည်းကောင်း၊ ဥတုရာသီကလည်းကောင်းတော့ ပဲဟာ အမျိုးပေါင်း မြောက်များစွာ ထွက်ရှိပါတယ်။ (၁) ထောပတ်ပဲ၊ (၂) ပဲစွန်တာနီ၊ (၃) ပဲစွန်တာပြာ၊ (၄) ပဲကြား၊ (၅) ပဲကြီး၊ (၆) ဗိုလ်ကိတ်ပဲ၊ (၇) သိပ္ပံပဲ၊ (၈) ပဲပုပ်စေ့ စတဲ့ ခပ်ပြားပြားပဲတွေ။ (၁) မတ်ပဲ၊ (၂) ပဲဒီစိမ်း၊ (၃) ပဲနောက်၊ (၄) ပဲလွန်း၊ (၅) ပဲယဉ်၊ (၆) ပဲစင်းငုံ၊ (၇) ပဲရာဇာ၊ (၈) ပဲချဉ်ပေါင်၊ (၉) ကုလားပဲ၊ (၁၀) စားတော်ပဲ၊ (၁၁) နိုင်လွန်ပဲ၊ (၁၂) ပဲဖြူလေး၊ (၁၃) မြေထောက်ပဲ စတဲ့ ပဲအလုံးတွေ အမျိုးပေါင်း မြောက်များစွာ ထွက်ပါတယ်။ အဲဒီ ပဲတွေကို နိုင်ငံခြားတင်ပို့တယ်ဆိုရင် အိန္ဒိယလည်း ၀ယ်ချင်တာပဲ၊ ဂျပန်ကလည်း ၀ယ်ချင်တာပဲ။ တရုတ်ကလည်း ၀ယ်ချင်တာပဲ။ အဲဒီ ပဲအမျိုးပေါင်း ၂၀ လောက်ထဲမှာ ပဲပြုတ်လုပ်ရောင်းတဲ့ စားတော်ပဲကတော့ သဏ္ဍာန်အားဖြင့် လုံးလည်း အလုံးဆုံး၊ အရသာလည်း အချိုဆုံးနဲ့ အနူးညံ့ဆုံးမို့ အကောင်းဆုံးပဲဆိုပြီး ဘုရင်များ စားဖို့ တော်ဆက်သ ရတဲ့ပဲ၊ ဘုရင်များကလည်း ကြိုက်ကြလို့ "စားတော်ပဲ" လို့ ခေါ်တာပဲ။။

လူထုဒေါ်အမာ
[ကြီးပွါးရေးစာအုပ်တိုက်မှ ထုတ်ဝေတဲ့ လူထုဒေါ်အမာ ရဲ့ ၁၂ ပွဲဈေးသည်နှင့် ကျွန်မတို့အညာ စာအုပ်၊ ၂၀၀၂ ခု နိုဝင်ဘာလ၊ ပထမအကြိမ်၊ မှ ကူးယူဖော်ပြပါတယ်။]

credit အညတရ ဘိက္ခု